އަޙްމަދު ރައިސަމް

އަޙްމަދު ރައިސަމް އަކީ ކައުންސިލްގެ ރައީސްއެވެ. ރައިސަމްގެ ފަންނީ ދާއިރާގެ ތެރޭގައި ފަތުރުވެރިކަމުގެ ޞިނާޢަތުގައި މަސައްކަތްކުރެއްވުން ހިމެނެއެވެ. އޭނާއަކީ ޒުވާން އުމުރުން ފެށިގެން ސިޔާސީ އަދި އިޞްލާޙީ މަސައްކަތްތަކުގައި ޙަރަކާތްތެރިވެވަޑައިގަންނަވާ ބޭފުޅެކެވެ. ޚާއްޞަކޮށް، ށ. ފޭދޫގައި ދިވެހިރައްޔިތުންގެ ޑިމޮކްރެޓިކް ޕާޓީ (އެމްޑީޕީ)ގެ ޙަރަކާތްތައް ތަޢާރަފުކުރުމުގައި އެންމެ އިސް ދައުރެއް އަދާކުރެއްވި ފަރާތްތަކުގެ ތެރޭގައި ރައިސަމް ހިމެނިވަޑައިގަންނަވައެވެ.މިހާރު ހިނގަމުންދާ ހަތަރުވަނަ ދައުރުގެ ފޭދޫ ކައުންސިލްގެ ރައީސްގެ މަޤާމު ފުރުއްވަމުން ގެންދަވާ ރައިސަމް، މީގެ ކުރިން ތިން އަހަރުގެ މުއްދަތަށް ށ. އަތޮޅު ކައުންސިލްގެ ނައިބު ރައީސްގެ މަޤާމުވެސް ފުރުއްވާފައިވެއެވެ.